എന്നിട്ടും

എന്നിട്ടും
ഒന്നും പറയാതെ
പോകെയാണ്
ഓര്‍മ്മകളെ
ആട്ടിയകറ്റി
വാതില്‍
ഉറക്കെ അടച്ചു
അകത്തെത്തുമ്പോഴും
പിന്നില്‍ നിന്നും
തോണ്ടി വിളിക്കുന്നു
പറയാന്‍ മറന്നത്
ഒന്നും ഓര്‍ക്കുന്നതേയില്ല
വഴിവക്കില്‍
ഒക്കെയും
കമിഴ്ന്നു
പോയിട്ടുണ്ടാവാം
പോട്ടെ അല്ലേ പിന്നെ
അരക്ക ചേതം .

ചാവേര്‍

നിന്‍റെ കൈ
എന്‍റെ പോക്കറ്റിലേക്കു
നുഴഞ്ഞു കയറുന്നത്
ഞാനറിയുന്നു
എന്‍റെ പേഴ്സ്
മെല്ലെ നീ
കവരുന്നതും .

എന്നിട്ടും
എന്തിനാണ് ഞാന്‍
ഉറക്കം നടിച്ചു ഈ
തീവണ്ടി മുറിയില്‍
അനങ്ങാതിരിക്കുന്നത്?

വേഗമാകട്ടെ
നീയതൊന്നു
സ്വന്തമാക്കിയിട്ടു വേണം
എനിക്ക്
പുറത്തു കടക്കുവാന്‍ !

ബാക്കി

പുഴക്കരയിലെ

മരങ്ങള്‍ക്കിടയിലെ

ചെറിയ വീട്.

കരിമ്പ്‌ പാടങ്ങളിലെ

ഇളം കാറ്റിന്‍

ശീല്‍ക്കാരം

ഓര്‍മ്മ പതുങ്ങുന്നു.

മുറ്റത്തെ

ഉയരമില്ലാത്ത

കല്‍ക്കെട്ടുള്ള

കിണര്‍.

മഞ്ഞപ്പൂക്കളുടെ പൂവരശ്

ഓണമാണ്.

അപ്പുറത്തൊരു

നാടകക്കളരി

പ്രയമായൊരാള്‍്

ഉറക്കെപ്പടുന്നു

കക്കാനും കക്കാത്തിയും

മാറി മാറി ഏറ്റുപാടുന്നു .

'കാക്കാരശ്ശി നാടകമാ

മോന് കാണണോ?

പറഞ്ഞതാരെന്നു

ഓര്‍മ്മയില്ല!

ചേര്‍ന്ന് നില്‍ക്കുന്ന

വീടുകളില്‍

കയറിയിറങ്ങി

അങ്ങനെ നടന്നു.

ഊഞ്ഞാലുകള്‍

പലരും

ആടാന്‍ തന്നു .

പകിട പകിട

പന്ത്രണ്ടു

പകിട കളി

അറിയാതെ

കണ്ടു നടന്നു

മഴ വന്നതറിയാതെ

പലരൊപ്പം

ഒന്നും തിരയാതെ !

പിന്നെന്നു മടങ്ങി

ഞാനും

ഒനവും

ആ കാക്കാന്‍െറ

നാടകം

കാണാന്‍

കഴിഞ്ഞില്ലല്ലോ!

എന്നെപ്പൊതിഞ്ഞ

കടന്നാല്‍ക്കൂട്

ഇന്നും

അവിടെ ഉണ്ടാകുമോ?

ഫോട്ടോസ്റ്റാറ്റ്

അന്നൊരു സന്ധ്യയ്ക്ക്
ഒരു ഭ്രാന്തി
അവനു മുന്നില്‍
കൈ നീട്ടുന്നത്
കണ്ടു.

പിന്നൊരിക്കല്‍
അവളുടെ
ഒക്കത്ത്
അവന്‍റെ
ഫോട്ടോസ്റ്റാറ്റും !

പണി

നല്ലത് കാട്ടാത്ത
കണ്ണേ
നിന്നെ
കണ്ണട തടവില്‍
ഇടുന്നു ഞാന്‍

ആ ..........

ആരും അറിഞ്ഞില്ല
പറഞ്ഞതുമില്ല
അവിടെ തന്നെ
ഉണ്ടായിരുന്നു
ഒന്നും കേട്ടില്ല
കണ്ടതുമില്ല
എല്ലാം അറിഞ്ഞിരുന്നു
എന്നിട്ടും
എന്തിനാ ...
ആ ..........

ചിരന്തനം

മണ്ണെണ്ണ തീര്‍ന്നു സ്റ്റൌവില്‍
മാര്ഗങ്ങള്‍ ഒടുങ്ങുന്നു
ചായക്കായ് വച്ചവെള്ളം
വെറുതെ പുകയുന്നു .

വാര്‍ദ്ധക്യം പുതഞ്ഞോരു
വിളക്ക് കെട്ടേപോയി
വിളിപ്പാടകലത്തില്‍
വിറച്ചെത്തുന്നൂ രാത്രി .

കഷ്ട കാലങ്ങള്‍ ദേഹ
മോഹങ്ങള്‍ തകര്‍ക്കുമ്പോള്‍
പെട്ടുപോമിരുട്ടിനെ
പുറത്താക്കുവാനാര്.

നില്‍ക്കുക ബീടിച്ചുണ്ടില്‍
നിന്നിറ്റു തീ തന്നു പോക
ചുമയില്‍ കഭം കൂടി
പുക കുടുങ്ങുന്നൂ നെഞ്ചില്‍ .

മേല്മുറിഞ്ഞപ്പുറത്തായ്
അലറി വിളിപ്പതാര്
അഗതി മുറിക്കുള്ളിലായ്
അനാഥ പ്രേതങ്ങളോ.

മഴയീ മാളത്തിലും
ഇരമ്പി പെയ്തെതുന്നു
കതകു പൂട്ടീടാതെ
നില്ക്കുകയാണിപ്പോഴും.